* * *

Найрагч гэдгээ мэдээ ч үгүй явж
Насан багадаа бичсэн миний шүлгүүд
Оргилуураас зад татсан цацраа
Ойлох пуужингийн хурц гялбаа

Шидэт утлага зүүд нойрыг
Ширвэж сэрээсэн албин чөтгөрүүд
Залуу нас ,үхлийн тухай
Захын хүн ч уншаагүй шүлгүүд минь

Дэлгүүрийн тоосонд дарагдан байгаа
Дэлгэж үзэхгүй,авахгүй байгаа
Исгэж орхисон дарс шиг шүлгүүдэд минь
Исэж гүйцэх цаг нь ирнээ,заавал ирнэ